المساعد الشخصي الرقمي

مشاهدة النسخة كاملة : فقدناكم يا غاليين


وفاء
22 - 6 - 2007, 08:52 AM
من ايام كتيرة فقدنا شوفت كتير من الاعضاء
ميريام معها حق واعضاء كانو نشيطين
هم كانو كتار الي ما عم يدخلو يمكن بسبب الوضع يلي كان بغزة
عم شوف انه بيرجعو يفوتو الشبكة

بس بقي كم عضو بعدنا ما شفناهم
ملاك الحب
عبد العزيز
بيسان عكاوي
مين بعد؟؟؟لا تنسي مريومة انا ما صرلي كتير بالمنتدى يعني كتار بعد اعضاء من وقت الي فتت المنتدى ما شفتهم

واكيد لولا غلاهم ما كنا فقدناهم
وسـام
22 - 6 - 2007, 08:59 AM
هلا بك وفاء

حقيقة أحداث غزة ألقت بضلالها على الكثيرين
وأصابتنا بالذهول لأيام

لكن نتمنى عودة الجميع
وهم بأحسن حال

وفرصة نلتقى هنا ونشد ازر بعضنا ونواسي همنا

سلمتي على اللفته الطيبة
ذمتي ذخرا للمنتدى واهله

تقديري
وفاء
22 - 6 - 2007, 09:08 AM
يـــــــــــــــــــــــــــ هلا وغلا ــــــــــــــــــــــا أخ وسام
وانت بعد من الناس يلي فقدناهم بهديك الفترة بس لاحظت رجعتك بعد ما هدي الوضع شوي
ربي يزيل هالغمة
وبجد يمكن بيكفيه الانسان الفلسطيني تعزيب وتدمير بهالدنيا
وفاء
23 - 6 - 2007, 09:11 AM
:SnipeR (96):
اليوم سررت كتير وقت الي دخلت الشبكة والقيت مشاركة للعضوة رؤى
رؤى من الناس يلي افتقدناهم
ولعل غيبتك ما كانت الا لخير
ربنا يوفقك
يا هلا فيكي من جديد بين اهلك وناسك
عوني زنون أبوالسعيد
23 - 6 - 2007, 04:08 PM
تسلم روحكـ وقلب يا قلب الوفا يا وفاء
فكرة راقية وشعور رائع أن نسأل عمن غاب من أسرة رؤى الغاليين

ما أجمل الوفاء و السؤال عن الغياب

بصراحة إشتقت جداً لصديقي الغالي عبدالرحيم محمود

وينكـ يا عبدو

دينامو الشبكة
إشتاقتلكـ شبكة رؤى
و قلوبنا تفتقدكـ
عوني زنون أبوالسعيد
23 - 6 - 2007, 04:10 PM
و نفتقد الغالية الفاضلة شمس الأصيل

والله زمااان عن تواصلكـ الراقي الرقيق
ومواضيعكـ الجميلة الشيقة

لا تطولي بالغيبة
عوني زنون أبوالسعيد
23 - 6 - 2007, 04:12 PM
يا جماعة مين فيكم شاف فراشة رؤى
ملاكـ الحب

مطلوب القبض عليها
جابت صحباتها لرؤى و طفشت

يلا مطلوب من صديقات ملاكـ إحضارها فوراً

كل الحق على حبيبي عبدالرحيم

إرهابي انت
عوني زنون أبوالسعيد
23 - 6 - 2007, 04:17 PM
لوفاء ولكل من سأل عن عبدالعزيز السبيعي

لا تقلقوا على عزوزي

الراجل مو مقصر لكن للسن أحكام

الراجل كبر و صحتو على قدو

مشغول الغلبان بفحص السكر و الضغط
و زاد الطين بلة الزهايمر

صار ينسى مسكين

مسكتو بالصدفة في ملجأ عواجيز
قلتلو شو جابكـ هون يا عزوز
قالي فكرت حالي بشبكة رؤى

بالمناسبة عزوز ضاع منو طقم الأسنان والعكاز

اللي بيلاقيه في شبكة رؤى يجيبو والو جائزة قيمة من عزوز

الراجل تعب من بعد ما فقد طقم الأسنان
وهلا كل أكلو فت و ثريد

ادعولو يا جماعة


كان بأمكاني أعدل

لكن للأمانة تركتك يا مجرم

راجع لك

تحيتي لك

عزوز الشاب
عبدالعزيز السبيعي
23 - 6 - 2007, 04:40 PM
وردا على اتهامات



الجاني المذكور اسمه أعلاه


جدو عوني


إليكم هذه القصيدة

http://www.ro2aa.com/vb/showthread.php?p=2384#post2384



ومش هسيبك يا عوني


هجيب حتى روشتة الدكتور



أحبتي ومن سألوا عني

أنا بخير


لطالما أنا بعيد عن أيدي هذا العوني القاسي
ميريام
23 - 6 - 2007, 04:41 PM
كيفك استاذ عونى انا من صحبات ملاك وهيا الى جابتنى على هالمنتدى وانا ممنونتها لانها جابتنى على احلى اسرة
شو اخبارك وفاا وشو عامله موضوعك مميز جدا وحلو ومشكووووووووووورة كتير
طلعتى فيكى الخير بتفقدى صحابك
مشكورة مرة تانيه
ننتظر جديدك
وردة رؤى
ميريام
23 - 6 - 2007, 04:44 PM
والله ليك وحشة يا عبدووووووو
افتقدناك كتير واشتقنا لقصائدك الحلوة
تقبل منى خالص تقديرى
عبدالعزيز السبيعي
23 - 6 - 2007, 04:56 PM
هلا مريام

ولكم كمان



بس خلصوني من هذا العوني



لا زال يهددني بالاغتيال والتفجير
ميريام
23 - 6 - 2007, 06:02 PM
ههههههههههههههههههههههههههههه
بعين الله يا عبود
اسمع انا بفهم بشغل المحاماه
عينى محاميه الك وانشا الله رح نكسب القضيه
وما رح اغلى عليك بالسعر
جربنى
اكيد رح تكسب
عبدالعزيز السبيعي
24 - 6 - 2007, 06:11 AM
حلو كتير يا مريام



من هلا انتي لجنة الدفاع عني ضد اي معتدي غاشم عوني الطلة



وصباحك جنة وياسمين


بس احكي لي مين هالأمورة ربي يحفظها ياللي بتوقيعك
شمس الاصيل
24 - 6 - 2007, 11:00 PM
تسلم اخي ابو السعيد على السؤال

من زوءك وطيبة قلبك

بس انت عارف كل شيئ الوضع

بس هيني موجودة

سلامي الكم جميعاااااااااااااا


وتسلمي يا وفاء على الموضوع واحنا كما ن فقدناكي لغترة

والحمد لله ارجعتي النا بالسلامه
عوني زنون أبوالسعيد
24 - 6 - 2007, 11:10 PM
يا ألف هلا شمس الأصيل
نورتي رؤى
بصراحة شبكة رؤى من غيركم موحشة

يارب يخليكم أوفياء معطائين لشبكتنا الحبيبة كما عودتمونا

تقديري و مودتي
عبد الرحيم محمود
25 - 6 - 2007, 01:05 AM
الشكر والتقدير لكل من سال عني

وانا على فكره لم اغيب عن المنتدطى ولا يوم

وكنت ادخل تقريبا كل يوم

ولكن الاخ/ابو السعيد

الله اعلم وين كان متخبي


كان بامكانه يفصح عن المكان اللي كان متخبي فيه


مودتي
ملاك الحب
25 - 6 - 2007, 06:57 PM
يا جماعة مين فيكم شاف فراشة رؤى
ملاكـ الحب

مطلوب القبض عليها
جابت صحباتها لرؤى و طفشت

يلا مطلوب من صديقات ملاكـ إحضارها فوراً

كل الحق على حبيبي عبدالرحيم

إرهابي انت


والله واحشينى كتير كتير

وانت عارف انوا انا ما بقدر استغنا عن اسرتى فى رؤى

خلص ما حد يقبض عليه

انا سلمت نفسى لوحدى

وعرفت غلطتتى وما راح اغيب عن المنتدى تانى ان شاء الله


باقة ورد لروحك النقيه استاذ عونى


فراشة المنتدى ملاكـ
ميريام
25 - 6 - 2007, 07:41 PM
توكل على الله يا عبود
بس لا تستغرب ازا قلتلك الى فى الصورة ولد واسمو عبود كمان
هادا ابن اختى
ميريام
25 - 6 - 2007, 07:58 PM
وحشتينا كتير يا ملوكتى
والله وليك وحشه
بس ما رح اسامحك على هالغيبه الا لما تقوليلى شو السبب وازا كان مقنع رح اسامحك
بس بجد ليكم وحشه كتير
ولا بدكو تجربوا غلوتكم غبتو كتير
يا ستى غلاوتكم فى القلب على طول حتى لو غبتو ميت سنه
ونورتى بيتك ومطرحك برجوعك
وفاء
4 - 7 - 2007, 09:35 PM
رائــــــــــــــــــــــــــــــــــــ ابو مغيصب ـــــــــــــــــــــــــــــــــــــــــــد

فينك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

فقدنــــــــــــــــــــــــــــــــــــــــــــــ ــاك غلـــــــــــــــــــــــــــاـــــــــــــ هم