صحافتنا (الخالية) عفوا الغالية وشعراء الـ وقفه وانقلاب

[سعد المشعبي]

السلام عليكم

للغالين

وصلّوا على النبي


ما دخلت لساحة الشعر وقفه وانقلاب = الاّ شاعر خط مبداي من حيث انتهو

كان مازكّيت حق الاسم فوق النصاب..؟ = اعتبرني ساقطٍ مع بني جنسي سهو

القصيد اللي ليا عدّ ما يلو الرقاب = شاعره ماهوب شاعر جزل.. شاعر لهو

حِسبة الشعار عندي ما تحتاج لحساب = شاعرٍ ياوين شعره .. وشاعر وين هو !!

شاعرٍ تلقى قصيده مثل ضوح السراب = وشاعرٍ تلقى قصيده على الظامي رهو

وشاعرٍ تلقى قصيده مثل ضرب الحراب = وشاعرٍ تلقى قصيده سوالف في بهو

لاني المتنبي ولاني عمرو بن عتاب = والكبر عنه الخلايق من المولى نِهو

بس لي مع من يعدون جزل الشعر باب = وشاعرٍ ما يحترم كلمة لسانه فهو:-

داخلٍ في ساحة الشعر وقفه وانقلاب = مع شواعيرٍ حيو بالصحافه وانتهو

وسلامتكم

[أحمد الشافعي]

صح لسانك أيها الراقي

ما أروع ما سطرت هنا

ومصافحة أولي راقية كأنت

نتمنى لك إقامة طيبه برؤى

ومن تألق إلي تألق

دمت رائعاً

أحمد الشافعي

[سعود بن محمد]

الغالي سعد المشعبي

اسعد الله اوقاتك بكل خير


صح لسانك سطرت فابدعت واجدت

لله درك ما اروعك

[نوال]

مرحباً أهلاً بدرر تزين جيد الرؤى

مرحباً وأهلا بكل الإبداع

نورت الرؤى


ننتظر مزيدك

[هناء المهنا]

اهلا ومرحبا اخ سعد


نورت المنتدى



كلمات جميلة ورائعة



دمت بكل تألق



ننتظر جديدك


كل الود والتقدير