بيقول برىء

[الغفرااان]

بمكر ودهاء وستهبال
ودكتورة فى العناد ولعب على المحال


طلع يقول أنا مستعد للسؤال


دنا شريف وكمان كنت من الابطال


طيب ياسيدنا آزاى وأمتى وأسأل جمال


برىء أزاى وشعب بحاله مات


وصدور شقتها الاهات


وثروات وحقوقنا اللى سرقتها بالمليارات


وهوا ومية وأكل مهرمن ودمنا اللى أتملى بالسرطانات


وكرامة المصريين اللى مسحت بيها التلتورات
والبلد اللى حولتها أردخانة فساد


وسجون ملتها بشباب حر برىء من الشبهات


وأسعار ولعتها فسبيل تملى كروش البهوات


وبلدنا اللى قطعتها وقسمتها ووزعتها على البشوات


بترولها وغازها لالد اعد ائها بعته بشوية دولارات


وشباب بالملايين هج وساب البلاد


لما لقى لقمة العيش فى بلده بيطلبها زى الشحات


وكتير منهم غرق وأتشرد وأتبهدل ومات
واشى أمن دولة وشرطة فاسدة وحرمان من الحريات
تعبنا وفاض بينا ومن همناورزقنا بنيتوا السريات


بالله عليك ياشيخ ليك عين تهرب من التحقيقات
خداع وسرقة وأستبداد وظلم حتى الممات
ياشيخ عيب عليك أتقى بقى رب العباد


راجع دلؤتى تقول برىء


برىء من اية ولا اية


برىء من قهرنا ومص دمنا تلاتين سنة


برىء من دم الشهداء


اللى دبحتهم بدم بارد وأفترى



جمال وعز ونظيف


وسرور وكمان شريف


والعادلى وعزمى وجرانة


أاقول أنا مين ولا مين عاملين علينا قرصنة


روح ياشيخ أشوف فيك 70 مليار سنة

بقلمى 14/4/2011يوم تاريخى فى حياتك يامصر

[هناء المهنا]

رائعة واكثر الغفران


جمال احساسك بوطنيتك رائع



كل محبتي

[اسامه الصبحات]

روعه الغفران
لا عدمنا مداد كلماتك

وروعه حرفك

[الغفرااان]

الرائع هو عودتك الميمونة سيدة الكلمة ورقيقة الاحساس

هناء المهنــــــــا

تعجز كلماتى ان توفيكِ حق الامتنان

فكم هى سعادتى بالغة بمرورك العطر وبرحيق تواجدك

باقة زهور

[أسامة مطر]

الغفران

يابنت النيل

ياللى قاسمتينى شربتى

ولقيت فى كلامك تخفيف عن محنتى

فاكرة لما كنت انا نايم فى ارض التحرير

يوم ماخليتى لية من حنان قلبك سرير

فاكرة لما نمت بجسمى على تراب ثورتى

ولقيت بعنيا ارواح طاهرة عمالة تطير

يومها قام الجبان وصحى

قال مين الشباب اللى بينادوا بالتحرير

ومن اية هايتحرروا

قمتى ناديتى عليهم بصوت حزين

قلتى لية ياسارق حلمنا

عايزنا نفضل عبيد كام سنة

وعايز اجمل شبابنا يفضلوا فى ظل ظلمك اسير

الغفران

سيكون مرورى بصمت

فيكفينى فخرا ان كنت متواجد بصفحتك

الغفران

وردة لروحك ولقلبك يابنت بلدى

كنت هنا

اسامة مطر

[الغفرااان]

مرورك عطر صفحتى برحيق تواجدك العطر

وأضاء كلماتى بسنا تواجدك الطيب

لا حرمنى الله روعة تواجدك دائما

اسامة الصبحات